Jánibek Álimhanulynyń kezekti qarsylasy anyqtaldy

<p>ASTANA.KAZINFORM - Orta salmaqta WBO jáne IBF tıtýldarynyń ıegeri, qazaqstandyq kásipqoı boksshy Jánibek Álimhanulynyń (15-0, 10 KO) kezekti qarsylasy anyqtaldy.</p>

Qazaqstandyq boksshy 13 shilde kúni sharshy alańǵa oralyp, IBF nusqasy boıynsha mindetti qarsylas, Jańa Zelandııalyq boksshy Andreı Mıhaılovıchpen qolǵap túıistiredi.

- Resmı! Qarsylas rekordy 21-0. IBF Andreı̆di mindetti qarsylas etip bekitti. Buı̆yrtsa 13 shildede Las-Vegasta Qazaq style-dy álem tamashalaı̆tyn bolady! Buı̆yrtsa jarqyn jeńisten soń tıtýl biriktirý sharýasyna kirisemiz! Jekpe-jekke daı̆yndyǵymyzǵa qoldaýyn kórsetip jatqan Keńes Raqyshev aǵamyz ekenin barshańyz bilesizder! - dep jazdy boksshy Instagram paraqshasynda.

Eske sala keteıik, Jánibek Álimhanulynyń sońǵy aıqasy ótken jyldyń qazan aıynda bolǵan.

Ol nemis boksshysy Vınchentso Gýaltıerıdi (22-1-1, 7KO) merziminen buryn jeńip, odan IBF tıtýlyn tartyp alǵan edi.