Jánibek Álimhanulynyń kelesi jekpe-jegi qashan ótetini belgili boldy

<p>ASTANA. KAZINFORM &ndash; Qazaqctandyq boksshy, WBO/IBF tujyrymy boıynsha orta salmaqtaǵy álem chempıony Jánibek Álimhanuly (15-0, 10 KO) kelesi jekpe-jegin mindetti qarsylasy jańa zelandııalyq Andreı Mıhaılovıchpen (21-0, 13 KO) ótkizedi, dep habarlaıdy <a href="https://www.sports.kz/news/news-539555-ofitsialno-obyyavlen-sleduyuschiy-boy-janibeka-alimhanulyi" target="_blank" rel="noopener">Sports kz</a> portaly.</p>

Jekpe-jekti ótkizýge ótinimdi jeńip alǵan No Limit Boxing promoýterlik kompanııasy judyryqtasý 4 qazanda Sıdneıde (Aýstralııa) ótetinin habarlady. AQSh-ta shoý ESPN+ arnasynan kórsetiledi. Bul rette qos boksshy tek IBF álem chempıony ataǵy úshin talasady. Sebebi esterińizde bolsa, Álimhanuly buǵan deıin WBO Mıhaılovıchpen jekpe-jek qarsańynda salmaq jınaı almaı, kópshilik kútken judyryqtasýǵa sanktsııa berilmegen bolatyn.  

Jánibek Álimhanuly men Andreı Mıhaılovıch shilde aıynda jekpe-jekke shyǵýy kerek edi, alaıda kezdesý aldynda «Qazaq stıli» salmaq qýam dep, sátsizdikke ushyrap, aǵzaǵa sý jetispeýshiliginen esinen tanyp, aýrýhanaǵa túsken bolatyn.