Jánibek Álimhanuly men Andreı Mıhaılovıch jekpe-jegi Qazaqstanda tikeleı efırden kórsetiledi

<p>ASTANA. KAZINFORM &ndash; WBO/IBF tujyrymy boıynsha orta salmaqtaǵy álem chempıony Jánibek Álimhanuly (15-0, 10 KO) 4 qazanda jekpe-jek ótkizedi.</p>

Qazaqctandyq boksshy Jánibek «Qazaq Style» Álimhanuly (15-0, 10KO) kásipqoı rıngtegi 16 jekpe-jegin jańa zelandııalyq Andreı «Renegade» Mıhaılovıchke (20-0, 12KO) qarsy ótkizeıin dep otyr. Josparlanǵan jekpe-jek Aýstralııanyń Sıdneı qalasynda ótedi.

Kásipqoı boks keshin 4 qazan kúni «Qazsport» telearnasynyń tikeleı efırinen kóre alasyzdar. Efır ýaqyty qosymsha habarlanady.

Aıta keteıik, Jánibek Álimhanuly men Andreı Mıhaılovıch shilde aıynda jekpe-jekke shyǵýy kerek edi. Alaıda kezdesý aldynda «Qazaq stıli» salmaq qýamyn dep, sátsizdikke ushyrap, aǵzaǵa sý jetispeýshiliginen esinen tanyp, aýrýhanaǵa túsken bolatyn.