Jánibek Álimhanuly Kanelomen bolatyn jekpe-jek týraly málimdeme jasady

<p>ASTANA. KAZINFORM &mdash; Qazaqstandyq boksshy Jánibek Álimhanuly (15-0, 10 KO) promoýteri Bob Arýmdy ózi úshin úlken jekpe-jek uıymdastyrýǵa shaqyrdy, dep jazady<a href="https://www.sports.kz/news/alimhanulyi-sdelal-zayavlenie-osuperboe-skanelo" target="_blank" rel="noopener"> Sports.kz.</a></p>

Álimhanuly Twitter paraqshasynda Bob Arým men Saýd Arabııasynyń oıyn-saýyq isteri jónindegi bas basqarmasynyń tóraǵasy Týrkı Al-ash-Sheıhtiń birlesken sýretine qatysty pikir bildirdi.

«Men kóp kúte almaımyn! Siz bárin sheshedi dep úmittenemin. Kanelo ma? Charlo ma? Benavides pa?» - dep jazdy Jánibek.

Buǵan deıin WBO jáne IBF tujyrymy boıynsha orta salmaqtaǵy álem chempıony Jánibek Álimhanuly kásipqoı bokstaǵy basty maqsaty – tórt tujyrym boıynsha chempıon atanyp, tarıhta qalǵysy keletinin aıtqan edi.

«Men tórt tıtýlǵa ıe bolý jáne absolıýtti chempıon ataný úshin bárin jasaýǵa daıynmyn. Biz dúnıe júzine tanymal bolý úshin aıanbaı eńbektenýdemiz jáne sol úshin qolymyzdan kelgenniń bárin isteımiz. Bul dárejege jetý jolynda men myqtylarmen, tanymal boksshylarmen jekpe-jek ótkizýim kerek. Aldaǵy ýaqytta Kanelo Alvares, Davıd Benavıdes syndy juldyzdarmen judyryqtasýdy josparlap otyrmyz», - dedi Álimhanuly Boxingscene.com saıtyna bergen suhbatynda.