Jánibek Álimhanuly búgingi jeńisi jaıynda pikir bildirdi

<p>Kásipqoı boksta barlyq jekpe-jegin sátti ótkizip kele jatqan qazaqstandyq Jánibek Álimhanuly (15-0, 10 KO) nemis Vınchentso Gýalterıdi (21-1-1, 7 KO) jeńgennen keıin bir aýyz suhbat berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Ol búgin AQSh-tyń Tehas shtaty Rozenberg qalasynda ótken boks keshinde Vınchentso Gýalterıdi altynshy raýndta tehnıkalyq nokaýtqa jiberdi.

Qazaqstandyq bylǵary qolǵap sheberi kásipqoı boksta on besinshi jeńisine qol jetkizip, júlde qoryn WBO jáne IBF belbeýlerimen tolyqtyrdy.

«Bul — qazaq stıli, biz ony tarıhta qaldyrǵymyz keledi. Alǵashqy sátten osy taktıkany tańdadyq. Qarsylasymnyń birden shabýyl jasamaıtynyn bildik. Ol meniń sharshaǵan sátimdi kútti. Sol sátte shabýylǵa kóshýge nıet bildirdi. Biraq men jekpe-jekke tyńǵylyqty daıyndaldym. Qazir mende eki nusqa boıynsha chempıondyq ataq bar. Endigi kezekte dıvızıondaǵy búkil tórt belbeýdi jınaǵym keledi. Ony Top Rank uıymdastyrsa, men oǵan daıynmyn», — dedi Jánibek Álimhanuly jekpe-jekten keıingi suhbatynda.

Jánibek Álimhanuly 1993 jyly 1 sáýirde Almaty oblysynda dúnıege kelgen.

Áýesqoı boksta 2013 jyly álem chempıony atansa, 2013-2014 jyldary Azııa chempıony boldy.