Jánibek Álimhanuly aldaǵy jekpe-jegine daıyndyǵyn bastady

<p>ASTANA. KAZINFORM - Orta salmaqtaǵy WBO/IBF nusqasy boıynsha álem chempıony, qazaqstandyq boksshy Jánibek Álimhanuly sharshy alańǵa oralýǵa daıyndyqty bastap ketti. Bul jóninde qazaqstandyq boksshy áleýmettik jelidegi paraqshasynda málim etti.&nbsp;</p>

«Aldaǵy jekpe-jekke Qazaqstanda daıyndalýǵa týra keldi. Ony uıymdastyrýshy - aýstrııalyqtar. Jekpe-jekke Qazaqstanda daıyndalyp jatyrmyz. Bizdiń árqashan aıtyp júrgenimiz - tarıh. Tarıh jasaımyz. Orta jolǵa keldik. Artqa qaıtatyn jol joq. Basqa salmaqqa aýysatyn múmkindikter boldy. Qazir osy salmaqta qalyp, tórt belbeýdi jınap, álemde Qazaq style-di tarıhta qaldyramyz», - dedi ol áleýmettik jelidegi paraqshasynda. 

Ótken aptada Top Rank promoýterlik kompanııasynyń ókilderi Jánibek Álimhanuly men Jańa Zelandııadan kelgen úmitker Andreı Mıhaılovıchpen jekpe-jekti ótkizý quqyǵy úshin No Limit boxing kompanııasymen saýda-sattyqtan utyldy.

Jekpe-jek shilde aıynda ótýi tıis bolatyn. Alaıda Jánibektiń densaýlyǵyna baılanysty keıinge shegerildi. Qazaqstandyq boksshy jekpe-jekten 11 saǵat buryn aýrýhanaǵa jatqyzyldy.

Eske sala keteıik, kúni keshe Jánibek áleýmettik jelisindegi paraqshasynda aldaǵy jekpe-jegine qatysty jazba jarııalaǵan edi.