Janat Ótebaeva Shymkent qalasynyń Jumyspen qamtý basqarmasyna basshy boldy

<p>Shymkent qalasynyń Jumyspen qamtý jáne áleýmettik qorǵaý basqarmasyna jańa basshy taǵaıyndaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Shymkent ákiminiń ókimimen Jumyspen qamtý jáne áleýmettik qorǵaý basqarmasynyń basshysy laýazymyna Janat Ótebaeva keldi.

Janat Ómirseıitqyzy 1970 jyly Túrkistan oblysy, Ordabasy aýdany, Shubar aýylynda dúnıege kelgen. Almaty halyq sharýashylyǵy ınstıtýtyn «qarjy jáne nesıe» mamandyǵy boıynsha aıaqtaǵan.

Eńbek jolyn 1991 jyly Qazaq SSR Jınaq banki Shymkent oblystyq basqarmasynyń býhgalterlik esep bóliminiń ınspektory bolyp bastaǵan. 1992-2022 jyldar aralyǵynda jeke sektorda jáne áleýmettik salada jaýapty basshylyq qyzmetter atqardy.

2022 jyldyń mamyr aıynan bastap búgingi kúnge deıin Shymkent qalasy ákimdigine qarasty Turǵyn úı basqarmasynyń basshysy laýazymynda eńbek etti.