Jańarý kúni: Almaty oblysynda 25 545 adam 15 850 túp aǵash otyrǵyzdy
Jınalǵan qoqys mólsheri 980 tonnany qurady, onyń 6 tonnasy qaıta óńdeýge jiberildi. Sanıtarlyq tazalaýǵa jatatyn aýmaqtyń aýdany - 1 150 gektar.
«Qonaev qalasy oblysymyzdyń ortalyǵy bolǵandyqtan, abattandyrý men kógaldandyrý jumystaryna árdaıym kóńil bólemiz. Prezıdentimiz Qasym-Jomart Toqaevtyń usynysymen «Naýryznama» onkúndigi jarııalanǵan. Jańarý kúni senbilikke shyǵyp, aǵash otyrǵyzýdy jón sanadyq jáne óńirdiń eldi mekenderinde de osy ıgi shara jalǵasyn tabýda. Almaty oblysynyń tabıǵatyn aıalap, odan ári kórkeıtý - árbir azamatymyzdyń boryshy. 2024 jyly 10 myń birlik jasyl jelek otyrǵyzý josparlanǵan», - dedi óńir basshysy Marat Sultanǵazıev.
Almaty oblysynda senbilikke 25 545 adam qatysyp, 15 850 túp aǵash otyrǵyzyldy.
Olardyń ishinde;
• Balqash aýdany 1800 adam qatysyp, 900 túp aǵash;
• Eńbekshiqazaq aýdany 7600 adam qatysyp, 5300 túp aǵash;
• Jambyl aýdany 7748 adam qatysyp, 300 túp aǵash;
• Іle aýdany 3830 adam qatysyp, 420 túp aǵash;
• Qarasaı aýdany 800 adam qatysyp, 330 túp aǵash;
• Talǵar aýdany 1250 adam qatysyp, 5900 túp aǵash;
• Uıǵyr aýdany 920 adam qatysyp, 2200 túp aǵash;
• Qonaev qalasy 1200 adam qatysyp, 500 túp aǵash ekti
Naýryz aıynda el aýmaǵynda otyrǵyzatyn jańa kóshetter tárizdi bul kúnderi qoǵamdyq mádenıetke Naýryzdyń jańa dástúrleri sińiriledi. Otyrǵyzylǵan kóshetter ónip shyǵyp, aǵashtar jemis bergeni sııaqty jańa ıdeıalar men qundylyqtar óz jemisin berip, qoǵamymyzdy nyǵaıtyp, órkendeýge jeteleıdi.