Jańartylatyn energııa kózderiniń túrik ekonomıkasyna qosqan úlesi 6 aıda 4,8 mıllıard dollarǵa jetti

<p>ASTANA. KAZINFORM&mdash; Tek bıylǵy jyldyń birinshi jartyjyldyǵynda Túrkııa ekonomıkasynyń ósýine jańartylatyn energııa kózderiniń (JEK) qosqan úlesi 4,8 mıllıard AQSh dollaryn qurady, dep jazady <a href="https://azertag.az/ru/xeber/vklad_vie_v_ekonomiku_turcii_za_6_mesyacev_dostig_48_mlrd_dollarov-3135546" target="_blank" rel="noopener">AZERTADJ</a>.</p>

Bul týraly seısenbi kúni Túrkııanyń Energetıka jáne tabıǵı resýrstar mınıstrligi habarlady.

Jańǵyrtylatyn energııa kózderiniń arqasynda eldiń energetıka salasyndaǵy qaýipsizdigi nyǵaıyp keledi, delingen atalmysh mınıstrliktiń H áleýmettik jelisindegi habarlamasynda.

Aqparatqa sáıkes, jańartylatyn energııa kózderiniń arqasynda bıylǵy alty aıda elge gaz ımportyn 14,5 mıllıard tekshe metrge azaıtýǵa múmkindik týdy.

Túrkııa úkimeti 2035 jylǵa deıin jańartylatyn energııa sektoryn damytýǵa 73 mıllıard dollar ınvestıtsııalaýdy josparlap otyrǵanyn buǵan deıin málimdegen bolatyn.