Jańartylatyn energııa: Qazaqstan qosalqy bólshek ımportyna táýeldi bolyp qalmaı ma

<p>ASTANA. KAZINFORM &ndash; Qazaqstandyq energııamen jabdyqtaýshy uıymdardyń qaýymdastyǵy Ulttyq kásipkerler palatasyna hat joldady. Hat avtorlary elimizdegi jańartylatyn energııa kózderi (JEK) salasynyń damýyna alańdaýshylyq tanytady.</p>

Energetıkterdiń pikirinshe, Qazaqstan ındýstrııasy jáne ekonomıkasy úshin ımporttyq jabdyq asa mańyzdy bolýy múmkin.

Hat mazmunyna úńilsek, Qazaqstan JEK-ke (jańartylatyn energııa kózderi) baılanysty halyqaralyq jobalarǵa belsendi qatysyp jatyr. Atalǵan kelisimder kóbine jabdyq óndirisin oqshaýlaý jáne otandyq tehnologııalardy qoldaný mindettemelerin kózdemeıdi.

Qazaqstandyq energııamen jabdyqtaýshy uıymdar qaýymdastyǵynyń tóraǵasy Sergeı Agafonov Kazinform tilshisimen áńgimelesý barysynda onyń esepteýleri boıynsha 2035-2040 jyldarǵa qaraı Qazaqstannyń energııa balansyndaǵy JEK úlesiniń problemalary eldiń búkil ekonomıkasyna áser etetindeı salmaqty bolatynyn aıtyp otyr.

Maman qazirdiń ózinde búkil ındýstrııanyń sheteldik jabdyqqa táýeldi bolatyndyǵyn baıqap otyr. Rasynda, qazirdiń ózinde JEK boıynsha Qazaqstan úshin basty eksporttaýshy el — Qytaı.

«Importtyq jabdyqqa tolyǵymen táýeldi bolatynymyzdy elestetip kórińiz. Bul táýeldiliktiń ózge bireýdiń elektr energııasyna táýeldiliginen aıyrmashylyǵy nede? Sondyqtan, buǵan jol bermeı, 10-15 jyldan soń barmaq tistemeý úshin óz óndirisimizdi damytýymyz kerek», — deıdi Sergeı Agafanov. 

Sondaı-aq, qaýymdastyq basshysy Almatyda kún panelderi men Jezqazǵanda jel elektr stantsııalaryn mysalǵa aldy.

Onyń aıtýynsha, mundaı kásiporyndardy jobalarǵa qatysý úshin, úkimetaralyq kelisimder kezinde memlekettiń qoldaýy qajet.

Energetıka mınıstrligi qazaqstandyq kompanııalardy tartý úshin qadam jasalyp jatqanyn jetkizdi. Olardy qoldaý úshin tipti jumys toby qurylǵan, onyń quramyna memlekettik organdardyń, Ulttyq kásipkerler palatasy, uıymdardyń, sarapshylar qaýymdastyǵynyń ókilderi, sondaı-aq otandyq jabdyq óndirýshiler kirgen.

«Qazirgi ýaqytta Energetıka mınıstrligi JEK salasyndaǵy jergilikti óndiristerdi damytý úshin jaǵdaı jasaý boıynsha belsendi jumys isteýde, bul ımporttyq jabdyqqa táýeldilikti joıýǵa múmkindik beredi», — dep sendirdi atalǵan vedomstvodan.

Elimizde kún jáne jel elektr stantsııalary úshin komponentter óndirýge mamandandyrylǵan birqatar kásiporyn jumys isteıdi.

Atap aıtqanda:
«Kuntech» JShS-kún kollektory (sý jylytqysh);
«Sandı» JShS-jylý sorǵylary;
«Kb Tree energy» JShS- jel generatorlary;
«KIT-Oil» JShS-ǵımaratty jylytýdyń jáne sýdy jylytýdyń derbes kún júıesi;
«Qazelektromash» JShS- qýat kabelderi;
«DOC Co.Ltd» JShS — fotoelektrlik panelder;
«Maıamı Solar» JShS — fotoelektrlik panelder.

«Sonymen qatar, Qazaqstanda SANY, Energy China, Vestas taǵy sol sııaqty halyqaralyq kompanııalarmen JEK-ke arnalǵan jabdyqty oqshaýlaý máselesi pysyqtalyp jatyr. Energııany jınaqtaý júıelerin, munaralardy, gondolalar men qalaqtardy shyǵarý boıynsha zaýyt salý josparlanýda», — deıdi Energetıka mınıstrliginen.

Eske sala ketsek, Qazaqstanda jańartylatyn energııa kózderi jobalaryn irikteý sharasy osydan tórt jyl buryn bastaldy.