Janarmaıy taýsylyp, jolda qalǵan júrgizýshige polıtseıler kómektesti - Pavlodar oblysy

PAVLODAR. QazAqparat - Jelezın aýdanynda aıazdy kúni janarmaıy taýsylyp, jolda qalǵan júrgizýshige polıtsııa qyzmetkerleri kómektesti, dep habarlaıdy QazAqparat Pavlodarnews.kz saıtyna silteme jasap.

Bul týraly oblystyq polıtsııa departamentiniń baspasóz qyzmeti málim etti.
- Qyzmet kórsetetin ýchaskede patrýldeý kezinde Jelezın aýdanynyń ınspektorlary, polıtsııa leıtenanty Danııar Işanov pen polıtsııa starshınasy Danııar Alımbaev Jańa juldyz-Mıhaılovka tas jolynda jol jıeginde turǵan mashınany kórip, jaǵdaıdyń durys emestigin bilip toqtaǵan. Kóliktiń júrgizýshisi - Jelezın aýdany Esqara aýylynyń turǵynynyń aıtýynsha, ol Mıhaılovka aýylyna baǵyt alǵan jolda janarmaıy taýsylǵan, - dedi baspasóz qyzmetinde.

Sondaı-aq ol joldaǵy kólikterdiń toqtamaı, bir saǵattan artyq ýaqyttaı dalada turyp, aıazda tońyp qalǵanyn jetkizgen.
- Bir mınýtta kidirmesten tártip saqshylary kólikti tirkep alyp, baǵyt alǵan jerine jetkizip salǵan, - dedi departamentte.

Er adam polıtseılerge óz alǵysyn bildirip, aldaǵy qyzmetterine sáttilik tiledi.