Janarmaıdy sharýalarǵa tikeleı jetkizýdiń tıimdi tásili qaralýda
«Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Zańnyń normalaryna sáıkes Aýyl sharýashylyǵy mınıstrligi jyl saıyn oblystardyń ákimdikterimen birlesip, respýblıkanyń aýyl sharýashylyǵy taýaryn óndirýshilerdiń munaı ónimderine degen qajettiligi kólemin aıqyndaıdy jáne mınıstrlikke aýyl sharýashylyǵy taýaryn óndirýshiler úshin dızel otynyn jetkizý kólemi týraly usynystar engizedi. Osy usynystardyń negizinde mınıstrlik Aýyl sharýashylyǵy mınıstrligimen birlesip, maýsymdyq dala jumystaryn júrgizýge arnalǵan dızel otynyn jetkizý úshin oblystardy munaı óńdeý zaýyttaryna bekitip berý kestesin bekitedi. Oblys ákimdikteri óz deńgeıinde fermerlerge dızel otynyn jetkizý boıynsha operatorlardy belgileıdi», - dedi Energetıka vıtse-mınıstri Áset Maǵaýov.
Sondaı-aq ol zańnama boıynsha «munaı ónimderin bólshek saýda arqyly ótkizýdi júzege asyratyn tulǵalar jyl saıyn, munaı ónimderin ótkizý kezinde 1 naýryz – 31 mamyr jáne 1 tamyz – 31 qazan aralyǵy kezeńinde aýyl sharýashylyǵy ónimderin óndirýshilerge basymdyq berýge mindetti» ekenin atap ótti.
«Qazaqstan Respýblıkasy zańnamasynyń qoldanystaǵy normalaryn eskersek, memlekettik organdar dızel otynyn bólý protsesine nemese operatorlardy taǵaıyndaýǵa aralaspaıdy.Fermerler men resýrs ustaýshylar (zaýyttaǵy ónim berýshiler) arasynda dızel otynyn satyp alýǵa «tikeleı» sharttar jasasý úshin jaǵdaılar jasaý nemese fermerlerdiń óz betinshe kooperatsııalanýǵa jáne dala jumystary úshin munaı ónimderin jetkizý jónindegi operatordy tańdaý múmkindigi bolýy úshin Aýyl sharýashylyǵy mınıstrligi:
- baılanys derekterin, egistik jerlerdiń jalpy alańyn, JJM qajettiligin kórsete otyryp, aýmaqtyq bóliniste aýyl sharýashylyǵy taýaryn óndirýshilerdiń derekter bazasyn quryp;
- otyndy taratý úshin elektrondyq-aqparattyq júıeni engizý arqyly dızel otynynyń kólemin aýyl sharýashylyǵy taýaryn óndirýshilerge tikeleı bólý máselesin pysyqtaýy tıis», - dedi Áset Maǵaýov.
Buǵan deıin kóktemgi egis jumystaryn júrgizý úshin aýyl sharýashylyǵy taýaryn óndirýshilerine arzandatylǵan baǵamen 400 myń dızel otyny bólingeni aıtylǵan bolatyn.