Janarmaıdy elden áketý: Polıtseıler eki óńirde kólikterdi tekserip jatyr
14:35, 14 Sáýir 2023
ASTANA. QazAqparat - 10 sáýirden bastap Jambyl jáne Túrkistan oblystarynda ishki ister organdary kóliktik baqylaý ınspektsııasymen birlesip, janar-jaǵarmaıdy elden áketýge jol bermeý boıynsha reıd júrgizip jatyr, dep habarlaıdy QazAqparat Polisia.kz-ke silteme jasap.
Polıtsııa qyzmetkerleri tıisti ruqsatsyz qosymsha janarmaı baktaryn ornatyp alǵan kólikterge basa nazar aýdarady.
«Bul quqyqbuzýshylyq úshin QR Ákimshilik quqyqbuzýshylyq týraly kodekstiń 590-baby 7-bóligi boıynsha ákimshilik jaýapkershilik qarastyrylady (Tıisti ruqsatsyz qaıta jabdyqtalǵan kólik quralyn basqarý). Іs-sharanyń úsh kúninde osyndaı quqyq buzýshylyqtar jasaǵany úshin 57 júrgizýshi jaýapqa tartyldy, 21 ákimshilik materıal boıynsha kólik quraldaryn odan ári paıdalanýǵa tyıym salyndy», - delingen málimette.