Janarmaı stansalarynda satylǵan dızel biryńǵaı júıe arqyly qadaǵalanady

NUR-SULTAN. QazAqparat – QR Energetıka mınıstri Bolat Aqsholaqov dızel tutynýshylardyń derekterin tekseretin biryńǵaı júıeniń qashan iske qosylatynyn aıtty, dep habarlaıdy QazAqparat tilshisi.

«Júıeni 15 qyrkúıek qaraı jasap shyǵaramyz. Odan erte bastap ketkimiz kelgen. Biraq tehnıkalyq máseleler bar. Búkil janarmaı quıý stansalary ortaq bir júıege biriktiriledi – eger tutynýshy janarmaıdy lımıttik baǵamen 230-260 teńgeden satyp alsa, avtomatty túrde bazaǵa túsedi», - dedi ol ortalyq kommýnıkatsııalar qyzmetinde ótken brıfıngide.

Sondaı-aq, ol atalǵan júıege ený úshin janarmaı stansalary eshqandaı aqy tólemeıtinin málim etti.

«Osynyń arqasynda tutynýshynyń kelesi janarmaı stansasynan qansha janarmaı alǵany kórinip turady. ıAǵnı, eki túrli janarmaı jelisinen eki ret janarmaı alsa da, bári júıede kórinip turady. Óıtkeni júıede búkil jeliler ıntegratsııalanǵan. Janarmaı stansalary úshin bul qyzmetti tegin qylǵymyz keledi. Qosylyp, satylym derekterin júktep otyrsa boldy. Osy júıe iske qosylǵanda janarmaı naryǵyndaǵy shynaıy jaǵdaıdy kóre alamyz», - dedi Bolat Aqsholaqov.