Janarmaı quıý beketiniń shatyryna shyqqan er adamnyń qylyǵy turǵyndardy shoshytty

ALMATY. QazAqparat - Almatyda jartylaı jalańash er adam janarmaı quıý beketiniń shatyryna shyǵyp, adamdarǵa qoqys laqtyrdy, dep habarlaıdy QazAqparat tilshisi.

Áleýmettik jelide er adam janarmaı quıý stantsııasynyń beketiniń shatyryna shyǵyp, sol jerden ótip bara jatqan adamdarǵa kompanııa logotıpi áripteriniń bólshekterin laqtyrǵan vıdeo paıda boldy.

Almaty qalalyq Polıtsııa departamenti málim etkendeı, er adam qamaýǵa alyndy.

«Atalǵan derek sotqa deıingi tergeýdiń biryńǵaı tizilimine QR Qylmystyq kodeksiniń 293-baby, 3-bólimi boıynsha tirkeldi. Qylmystyq isti Áýezov aýdandyq polıtsııa basqarmasy júrgizedi. Kúdikti qamaýǵa alyndy. Ol alkogoldik mas kúıinde bolǵan, bul medıtsınalyq tekserispen anyqtalǵan. Janjaldyń sebepteri jáne mundaı minez-qulyq tergeý barysynda belgili bolady»,- dep habarlady polıtsııadan.