Janarmaı eksportyna qoıylǵan tyıym mamyr aıynan keıin de jalǵasýy múmkin

NUR-SULTAN. QazAqparat – Qazaqstan janarmaıdy syrtqa shyǵarýǵa qoıylǵan tyıymdy 180 kúndik meje bitken soń da jalǵastyrýy múmkin. Energetıka mınıstri Bolat Aqsholaqov elde ortalyq kommýnıkatsııalar qyzmetinde ótken brıfıngide osyndaı málimet aıtty, dep habarlaıdy QazAqparat tilshisi.

«Qańtardyń basynda janarmaıdy syrtqa shyǵarýǵa 180 kúndik moratorıı jarııalanǵany belgili. Bul meje bitken soń da sol tyıym jalǵasa ma? Álde alyp tastaýǵa alǵysharttar bar ma?», - dep surady BAQ ókili.

«Bizdiń negizgi mindetimiz – janarmaı baǵasynyń kúrt ósýine jol bermeý. Sondyqtan mınıstrliktegi áripesterimizben birge bárimiz bul máseleni talqyladyq. Janarmaıdy syrtqa shyǵarýǵa qoıylǵan tyıymdy mamyr aıynan keıin de jalǵastyratyn shyǵarmyz. Іshki naryqta janarmaı ýaqtyly jetip turýy úshin jáne baǵanyń ósýine jol bermeý úshin sol isteıtin shyǵarmyz», -dedi Bolat Aqsholaqov.

Energııa mınıstri atalmysh brıfıngide, munaı óńdeý zaýyttaryn jóndeý jumystary egin naýqanyna kedergi keltirmeıtindeı keste jasalyp jatqanyn aıtty.

«Shymkenttegi munaı óńdeý zaýytynyń jóndeý merzimin 2022 jyldyń qarashasynan 2023 jylǵa jyljytý máselesi boıynsha jumys júrip jatyr. Al Pavlordadaǵy zaýytty jóndeý merzimin bıylǵy maýsym aıynan shildeniń ortasyna jyljytý kózdelip otyr. ıAǵnı, jóndeý jumystary kóktemgi egis aıaqtalǵannan keıin ǵana jóndeýge jabylýy kerek», - dedi Bolat Aqsholaqov.