Janarmaı baǵasyna boljam jasaımyn dep aýzym kúıgen - U. Qarabalın
«Ózderińiz bilesizder, 21 tamyzdan bastap AI-92 markaly janarmaı baǵasy 128 teńgege kóterildi. Al dızeldik otynnyń baǵasy sol kúıinde qaldy. Al AI-95 pen AI-98 markalaryna keler bolmaq, olardyń baǵasyn memleket retteı almaıdy. Men jýyrda janarmaı baǵasy jýyq arada kóterilmeıdi dep boljam jasaǵan edim, endi mine aýzym kúıip otyr», - dedi Qarabalın.
Onyń aıtýynsha, qazirgi ýaqytta elimizdiń keıbir óńirlerinde, ásirese shekara mańyndaǵy aımaqtarda AI-92 markaly benzınge defıtsıt baıqalýda. "Onda kórshi elderden kelip qazaqstandyq janarmaıdy alýǵa tyrysatyn kólikter óte kóp. Óıtkeni bizde kórshiles eldermen salystyrǵanda eń arzan janarmaı bolyp otyr", - dedi vıtse-mınıstr.
«Janarmaı qymbattaýynyń taǵy bir sebebi: Reseıdegi janarmaı óndirý zaýyttarynyń birinde oryn alǵan apat. Onda qazir jumys toqtap tur. Sonymen qatar, Pavlodar munaı óńdeý zaýytynda jóndeý jumystary júrgizilýde», - dedi vıtse-mınıstr.