Janar-jaǵarmaı materıaldaryn zańsyz shyǵarý áreketterine baqylaý kúsheıedi - Úkimet

ASTANA. QazAqparat - QR Premer-Mınıstri Álıhan Smaıylov ishki naryqty janar-jaǵarmaı materıaldarymen qamtamasyz etý máseleleri jóninde keńes ótkizdi, dep habarlaıdy QazAqparat Úkimettiń resmı saıtyna silteme jasap.

Keńeske qatysýshylar janar-jaǵarmaı materıaldary naryǵyndaǵy qazirgi ahýaldy jáne qoldanystaǵy retteý mehanızmderiniń tıimdiligin talqylady. Shekarada dızel otyny men benzındi basqa munaı ónimderiniń túrleri retinde (mazýt, pesh otyny, eritkishter jáne t.b.) zańsyz shyǵarý áreketteri oryn alyp jatqany aıtyldy.

Premer-Mınıstr Energetıka mınıstrligine múddeli memlekettik organdarmen birlesip, ásirese kóktemgi egis jumystaryn júrgizý kezeńinde otyndy elden zańsyz shyǵarý faktilerine baqylaýdy kúsheıtý jáne ondaı jaǵdaılardyń jolyn kesý jóninde pármendi sharalar qabyldaýdy tapsyrdy.

Otyrysta munaı-gaz salasynyń basqa da ózekti máseleleri talqylandy.

Jıynǵa energetıka mınıstri Bolat Aqsholaqov, «Samuryq-Qazyna» qorynyń basqarma tóraǵasy Almasadam Sátqalıev jáne «QazMunaıGaz» UK AQ basqarma tóraǵasy Maǵzum Myrzaǵalıev, Ulttyq qaýipsizdik komıteti tóraǵasynyń orynbasary – Shekara qyzmetiniń dırektory Erlan Aldajumanov jáne t. b. qatysty.

Foto: ukimet.kz