Janar-jaǵarmaı baǵasy qatań baqylaýda – Almasadam Sátqalıev

<p>ALMATY. KAZINFORM &ndash; Qazir megapolıske janar-jaǵarmaı jetkizýde másele joq. Bul týraly Energetıka mınıstri Almasadam Sátqalıev Almatyda ótken esep berý kezdesýinde málimdedi.</p>

Mınıstr keltirgen derekke sáıkes, qalada 272 janar-jaǵarmaı quıý beketi bar, barlyq beket janar-jaǵarmaımen 100 paıyz qamtamasyz etilgen.

– Almatyda AI-92 markaly benzın – 23,15 myń tonna (20 kún), AI-95– 7,26 myń tonna (29 kún), dızeldik otyn – 12,94 myń tonna (14 kún) qory bar. Qalada AI-92 markaly benzınniń bir lıtriniń ortasha baǵasy — 204 teńge, AI-95 – 255 teńge, dızel otyny – 294 teńge,– dedi ol.

Sondaı-aq Almasadam Sátqalıev, janar-jaǵarmaı satýda tapshylyq pen alypsatarlyqtyń aldyn alý maqsatynda qala ákimdikteri janar-jaǵarmaı quıý beketterinde reıd júrgizip jatqanyn tilge tıek etti.

– Janar-jaǵarmaı jetkizýde úzilis joq. Tolyqtyrý turaqty negizde jetkizý kelisim-sharttaryna sáıkes júzege asyrylady. Janar-jaǵarmaımen qamtamasyz etý jáne baǵa shegin saqtaý jumystary turaqty baqylaýda,– dedi mınıstr.

Osyǵan deıin Energetıka mınıstri Almatydaǵy JEO gazǵa kóshirý 2026 jyly aıaqtalatyny týraly aıtqan edi.