Janar Saýranbaeva: Deni saý ult - memlekettiń tabysty bolashaǵy
«Elbasy Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda mańyzdy máseleler kóterildi. Sonyń biri - halyqtyń turmystyq ál-aýqatyn kóterý, ómir súrý deńgeıin arttyrý. Bul rette bilim berý, densaýlyq saqtaý, turǵyn úı sapasy men qoljetimdiligi jáne qaýipsizdik máseleleri árbir qazaqstandyq otbasy úshin qajetti de mańyzdy dúnıe. Al ózimiz densaýlyq saqtaý salasynda júrgendikten, Joldaýda bizge qatysty jaıttar bolsa, qalt jibermeı otyramyz. Bul rette Pedıatrııa jáne balalar hırýrgııasy ǵylymı ortalyǵy Joldaýdan týyndaıtyn mindetterdi júzege asyrýǵa aıtarlyqtaı úles qosýda deýge bolady», - dedi ol.
Janar Saýranbaevanyń aıtýynsha, densaýlyq saqtaý salasyn tsıfrlandyrý ózekti másele jáne bul baǵytta tıisti jumystar júrgizilip jatyr. Máselen, Pedıatrııa jáne balalar hırýrgııasy ǵylymı ortalyǵy tolyǵymen kompıýtermen jabdyqtalyp, orta jáne joǵary sanatty dárigerlerge jańa medıtsınalyq aqparattyq júıede qalaı jumys isteý qajettigi boıynsha arnaıy dárister ótkizilgen. Joldaý aıasynda ortalyq zamanaýı dıagnostıka quraldarymen jabdyqtalyp, búginde dıagnostıkalaý jumystaryn jetildire tústi. Sol arqyly naýqastarǵa der kezinde kómek kórsetýge qol jetkizilip otyr.
«Prezıdenttiń bul jaıtty mańyzdy másele retinde kórsetýi beker emes. Demek, densaýlyq saqtaý salasyna engizilgeli otyrǵan jańa júıe medıtsına qyzmetkerleriniń eńbek ónimdiligin arttyryp, halyqtyń medıtsınalyq qyzmetterge qanaǵattanýyna yqpal eteri sózsiz. Sóıtip, birte-birte elimizdegi medıtsınalyq qyzmet sapasy jaqsara túsedi», - dedi ortalyq basshysynyń orynbasary.
Sonymen qatar ol Joldaýda aıtylǵan taǵy bir óte ózekti másele - 2019 jyly elordamyz Astana qalasynda Ulttyq ǵylymı onkologııalyq ortalyq qurylysynyń bastalýy ekendigin aıtty.
«Elimizde jańa, medıtsına nysandary zamanaýı ozyq medıtsınalyq tehnologııalarmen jabdyqtalǵan. Elbasy atap ótkendeı, sonyń ishinde lazerlik, sáýlelik, jasýshaly-ımmýndi terapııa jáne ózge de zamanaýı ádister qoldanylatyn klınıkanyń bolýy mańyzdy. Ókinishke oraı, qazirgi tańda elimizde onkologııalyq aýrýlar júrek aýrýlarynan keıingi ekinshi orynda tur. Jańa ortalyq ashylsa, júzdegen adamnyń ómirin arashalap qalýǵa múmkindik týar edi. Árıne, elimizde mundaı dertke shaldyqqandar sany azaıyp, halqymyzdyń esh ýaıym-qaıǵysyz ómir súrgeni bárimizge kerek», - dedi J.Saýranbaeva.