Jańaózendegi jarylystan zardap shekken kelinshek sal bolyp qaldy

AQTAÝ. QazAqparat – Jańaózendegi jarylystan zardap shekken 23 jastaǵy kelinshek sal bolyp qaldy. Onyń denesi kúıip, omyrtqasy synǵan edi, dep habarlaıdy QazAqparat tilshisi.

Jarylys kezinde kelinshek júktiliktiń 17-18 aptasynda bolyp, túsik tastaǵan bolatyn. Oǵan búginge deıin kúrdeli eki operatsııa jasaldy.

«Naýqas Mańǵystaý oblystyq kópsalaly aýrýhanasynyń neırohırýrgııa bólimshesinde jatyr. Onyń jaǵdaıy turaqty aýyr. Julyny tolyq zaqymdanǵan. Áıel belinen tómen sal aýrýyna shaldyqqan», - dep málim etti oblystyq aýrýhananyń baspasóz qyzmetinen.

Aıta ketsek, 17 sáýir kúni tańerteń Jańaózen qalasynda eki qabatty úıde jarylys bolyp, 6 adam kóz jumdy jáne 13 adam zardap shekti.