Jańaózendegi jarylystan zardap shekken 13 adamnyń ekeýi jansaqtaý bóliminde jatyr

ASTANA. QazAqparat – Jańaózendegi jarylys bolǵan úıdiń tolyǵymen qıraǵan podezinde neshe adam bolǵany ázirge belgisiz. Tótenshe jaǵdaılar mınıstrligi órtke qarsy qyzmet komıtetiniń tóraǵasy Nurbolat Derbisov Jańaózendegi jarylystan zardap shekken 13 adamnyń ekeýi jansaqtaý bóliminde jatqanyn málim etti, dep habarlaıdy QazAqparat tilshisi.

«Búgin Mańǵystaý oblysynyń Jańaózen qalasynda tańǵy saǵat bester shamasynda №2 móltekaýdandaǵy eki podezdi, qosqabatty turǵyn úıde gaz jarylysy boldy. Qazir onyń sebepteri anyqtalyp jatyr. Bastapqyda apat sebebi - gaz ballony dep berilgen bolatyn. Qazir ol versııadan aınydyq. Óıtkeni ol turǵyn úıde gaz júıesi júrgizilgen. Sondyqtan gaz ballony bolmaýy da múmkin», - dedi ol ortalyq kommýnıkatsııalar qyzmetinde ótken brıfıngide.

Sondaı-aq ol apattan zardap shekken adamdar týraly sońǵy málimetti aıtty.

«Jarylystan 3-4 úı zardap shekti. Opyrylý saldarynan 4 adamnyń qaıtys bolǵany týraly málimet alyp otyrmyz. Sondaı-aq, 13 adam zardap shekti. 7 adam aýrýhanadan úıine jiberildi jáne 3 adam aýrýhanada, eki adam aýyr halde jansaqtaý bóliminde jatqany týraly málimet aldyq», - dedi TJM ókili.

Aıta keteıik, buǵan deıin Jańaózendegi apat kezinde qaza bolǵandar sany 4 adamǵa jetkenin jazǵan edik.

Keıin oblys prokýratýrasy Jańaózendegi jarylystyń sebebin aıtty.