Jańaózende jyl sońyna deıin 108 otbasy baspanaly bolady

JAŃAÓZEN. QazAqparat - Bıyl Jańaózen qalasynda jalpy aýmaǵy 10 myń sharshy metr bolatyn 108 páterli eki kópqabatty túrǵyn úı paıdalanýǵa beriledi, dep habarlaıdy QazAqparat tilshisi.

Búginde qalada 8 kóppáterli turǵyn úıdiń qurylysy júrip jatyr.

Sonyń biri - «Nurly jer» memlekettik baǵdarlamasy aıasynda qolǵa alynǵan 160 páterli kópqabatty turǵyn úı kesheni.

«Raýan» shaǵynaýdanynda boı kótergen keshen 2 korpýstan turady. Onyń árqaısysynda 80 páter ornalasqan.

Qurylys júrgizýshi merdiger mekeme «AS Qurylys» JShS ókilderiniń aıtýynsha, nysan 2022 jyldyń qarasha aıynda paıdalanýǵa beriledi dep josparlanǵan.

Atalǵan úı Jańaózen qalasy ákimdiginiń turǵyn úı kezegine tirkelgen azamattarǵa «Otbasy banki» arqyly ıpotekalyq nesıege beriledi.

«Jańaózende eski úılerdi jańǵyrtý jumystary da qyzý júrýde. Qazirgi tańda «Nurly jer» baǵdarlamasy aıasynda qaıtarymdy qarajat esebinen «Shuǵyla» shaǵynaýdanyndaǵy birinshi jáne úshinshi kópqabatty turǵyn úılerge kúrdeli jóndeý jasalyp jatyr»,-dedi Jańaózen qalasy ákiminiń orynbasary Berik Іzǵalıev.