Jańaózende «JOO-ǵa túsirý úshin» aqsha alǵan alaıaq áıel ustaldy

AQTAÝ. QazAqparat - Jańaózende «JOO-ǵa túsirý úshin» aqsha alǵan alaıaq áıel ustaldy, dep habarlaıdy QazAqparat tilshisi oblystyq ishki ister departamentiniń baspasóz qyzmetine silteme jasap.

Alaıaq joǵary oqý ornyna túsýge kómektesý úshin aqsha alyp, qashyp ketken. Polıtseılerdiń habarlaýynsha, oqıǵa tamyz aıynda bolǵan. Ol turǵynnan 42 500 teńge alǵan. Alaıda, ýádesinde turmaǵan. Belgili bolǵandaı áıel ótken jyly da osyndaı áreketke barǵan. 2020 jyldyń shilde aıynda JOO-ǵa túsýge kómek kórsetý úshin aýyl turǵynynan 152 myń teńge aldy. Qúdikti kelinshek kinásin moıyndady.

«Atalǵan fakti boıynsha Qylmystyq kodekstiń 190-baby 3-bóligi 4-tarmaǵy (alaıaqtyq) boıynsha sotqa deıingi tergeý bastaldy. Ózge aqparat tergeý múddesine baılanysty jarııalanbaıdy», - dep habarlady oblystyq polıtsııa departamentiniń baspasóz qyzmeti.