Jańaózende jarylys bolǵan úıdiń jaǵdaıy baǵalanady

JAŃAÓZEN.QazAqparat – Jańaózende bolǵan jarylystan úıindini shyǵarý jumysy júrip jatyr. Sodan keıin ǵana apat bolǵan úıdiń jaǵdaıy baǵalanady. Bul týraly qalalyq turǵyn úı-kommýnaldyq sharýashylyǵy bóliminen málim etti, dep habarlaıdy QazAqparat tilshisi.

«Úı 1977 jyly salynǵan. 12 páterli úıdiń bir kireberisi ortalyqtandyrylǵan gazben qamtylǵan. Apattyq jaǵdaıdaǵy turǵyn úı tiziminde turǵan joq. Úıdiń jalpy aýdany - 621 sharshy metr. Qazir úıindilerdi suryptap, tekserip jatyrmyz, odan keıin saraptama jasalyp, turǵyn úıdi qalpyna keltirýge bola ma, joq pa - sony anyqtaımyz», - dep qalalyq turǵyn úı-kommýnaldyq sharýashylyq bóliminiń mamandary.

Jarylystan zardap shekken jaqyn mańdaǵy úılerge jergilikti kásiporyndar kómektespek.

Bul másele de komıssııanyń jumys otyrysynan keıin anyqtalady.

Aıta ketsek, búgin tańerteń Jańaózen qalasynyń 2-móltekaýdanyndaǵy 2 qabatty úıde jarylys bolyp, 13 adam zardap shekken edi.

Zardap shekkenderdiń biri jedel járdemmen Mańǵystaý oblystyq kópsalaly aýrýhanasyna jetkizilgen bolatyn.

Oqıǵaǵa oraı qylmystyq is qozǵalyp, barlyǵy 4 adam qaza tapqanyn jazǵan edik.