Jańaózende jalǵan dıplommen jumys istegen 3 muǵalim anyqtaldy

JAŃAÓZEN. QazAqparat – Jańaózendegi 2 mektepten jalǵan dıplommen jumys jasaǵan úsh muǵalim anyqtaldy, dep habarlaıdy QazAqparat tilshisi.

Olardyń bireýi mektepte on jyldan beri jumys jasap kelgen. Al qalǵan ekeýi №4 mektepte toǵyz jáne eki jyl kóleminde qyzmet etken.

Olar Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetinen, Batys Qazaqstan ınjenerlik - gýmanıtarlyq ýnıversıtetinen jáne Abaı atyndaǵy Qazaq ulttyq pedagogıka ýnıversıtetineniniń dıplomdarymen jumys jasaǵan.

«Aǵymdaǵy jyldyń basynda Jańaózen qalasy muǵalimderiniń dıplomdaryn tekserý barysynda keıbir mektepterde jumys jasaıtyn muǵalimderdiń dıplomdarynyń jalǵan ekeni anyqtaldy. Qazirgi kezde olardyń jalǵan dıplomdy paıdalanǵany úshin QR Qylmystyq kodeksiniń 385-baby 3-bólimimen qylmystyq is qozǵalyp, tergep-tekserilýde»,- dedi Jańaózen qalalyq polıtsııa basqarmasynyń mamany Álı Ońǵarbaev.