Jańaózende tegin júgerige talasqan balalar kólik qozǵalysyna kedergi jasady

<p>JAŃAÓZEN. KAZINFORM &mdash; Jańaózen qalasynda dúken ashqan kásipker turǵyndarǵa júgerini tegin taratqany úshin jaýapqa tartyldy. Adam kóp jınalyp, saldarynan jol qozǵalysyna kedergi keldi. Bul jaǵdaı biraz ýaqytqa sozylǵan.</p>

Jańaózen qalalyq polıtsııasynyń málimetinshe, oqıǵa demalys kúni bolǵan.

Adamdardyń shamadan tys jınalyp, júgerige talasqany týraly beınejazba jelide tarady.

Osydan keıin turǵyndar jaǵdaıǵa baılanysty shaǵym bildirgen.

«11 aqpan kúni saǵat 15:00 kezinde Jańaózendegi Órken shaǵynaýdany № 56 úıiniń 1 qabatynan „Janym“ gúlder salonynyń ashylýyna oraı dúken ıesi balalarǵa arnap tegin júgeri taıaqshalaryn taratqan. Ata-analar men balalar kóp jınalyp, aýla ishindegi jol qozǵalysyna kedergi keltirdi. Jańaózen polıtsııasy dúken ıesi E. Ybyraevqa ÁqbtK 614-baby 1-bóligine saı ákimshilik shara qoldandy», — dep jazylǵan qalalyq polıtsııa basqarmasy taratqan málimette.