Jańaózende sýıtsıd jasaǵan sarbazdyń ólimine mahabbat sebep bolýy múmkin

ASTANA. QazAqparat – Áskerı bólim basshylyǵy Jańaózen qalasynda áskerı mindetin ótep júrgen sarbazdyń ózine qol jumsaýyna qatysty pikir bildirdi, dep habarlaıdy QazAqparat.

«Qazir tergeý amaldary júrip jatyr. Bolǵan jaıt jóninde garnızonnyń tergeý organyna habar berildi. Áskerý mindetin ótegen jigit jaýapsyz mahabbat seziminen ózine qol jumsaǵan», - dedi áskerı bólim komandıriniń áleýmettik-quqyqtyq jumystar boıynsha orynbasary Rýslan Bólegenov «Astana» telearnasyna bergen suhbatynda.

Buǵan deıin Jańaózende asylyp qalǵan sarbazdyń máıiti tabylǵanyn habarlaǵan edik.

Qatardaǵy jaýynger óz bólmesinde darǵa asylǵan.

«2022 jylǵy 15 jeltoqsanda saǵat 02.40-ta 5548 áskerı bóliminiń kelisimshart qyzmetiniń áskerı qyzmetshisi D. K. Esposynov jataqhana bólmesinde darǵa asylǵan kúıinde tabyldy. Máıitti áriptesi kórgen», - degen habar taratty Ulttyq ulan.

Sarbaz Damır Qaıratuly Esposynov 2003 jyly 21 qańtarda dúnıege kelgen.

Ulty qazaq, boıdaq, bilimi orta, Aqtóbe oblysynyń týmasy.