Jańaózende respýblıkalyq aqyndar aıtysynyń jeńimpazdary anyqtaldy
«Sizder óz tabıǵı talanttaryńyzdyń arqasynda ulttyq ónerimizdi dáripteı otyryp, elimizdegi aıtys óneriniń damýyna, halyqtyń mádenıetin arttyrýǵa, óskeleń urpaqty ata salt-dástúrge tárbıeleýge ózindik zor úles qosyp kelesizder. Tánniń aqyny dáriger bolsa, jannyń dárigeri – aqyn»,- dedi Jańaózen qalasynyń ákimi Aıbek Qosýaqov.
Halyqqa lyq tolǵan «Munaıshy» mádenıet úıinde ótken jyr dodasyn aqyn, «Daryn» memlekettik syılyǵynyń ıegeri Mels Qosymbaev júrgizdi.
Alǵashqy jup bolyp sahnaǵa Birjan Baıtýov pen Tólegen Jamanov shyqty. Odan ári Shalqarbaı Іzbasarov pen Erjan Amırov, Arǵynbek Qalbaev pen Meıirbek Sultanhan aıtysty qyzdyra tústi.
Túske deıingi bólim Raýan Qaıdarov pen Azamat Orynbasarovtyń ónerimen aıaqtaldy.
Tartysty báıgege halyqtyń qoshemeti de erekshe boldy.
Tústen keıingi bólimdi Abaı Jolmaǵanbetov pen Sezimhan Shuǵaıyp, Jansaıa Mýsına men Qanat Myrzahan, Aıbek Qalıev pen Jánibek Beıbitov jalǵastyrdy.
Sóz jarys qorytyndysynda bas júldeni Arǵynbek Qalbaev, 1-oryndy Jansaıa Mýsına men Tólegen Jamanov, 2-oryndy Abaı Jolmaǵanbetov, Shuǵaıyp Sezimhan, Meıirbek Sultanbek, 3-oryndy Birjan Baıtýov, Shalqarbaı Іzbasarov, Qanat Myrzahan, 500 myń teńge arnaıy júldeni Aıbek Qalıev, yntalandyrý syılyǵyn Erjan Ámirov, Azamat Orynbasarov, Jánibek Beıbitov, Raýan Qaıdarov ıelendi.