Jańaózende gaz óńdeý zaýyty órtendi

AQTAÝ. QazAqparat - Keshe saǵat 22:19 shamasynda Jańaózen qalasynda, «QazGÓZ» JShS óndiristik aýmaǵyndaǵy kompressorlyq tsehta órt shyqty, dep habarlaıdy QazAqparat tilshisi.

Mańǵystaý oblysynyń qoǵamdyq kommýnıkatsııa ortalyǵynyń habarlaýynsha, jalyn shamamen 980 sharshy metr aýmaqty sharpyǵan. Mańǵystaý oblystyq tótenshe jaǵdaılar departamentiniń baspasóz qyzmetiniń málimdeýinshe, tilsiz jaý 23:02-de aýyzdyqtalyp,23:17-de tolyqtaı sóndirildi.

Órti sóndirýge Tótenshe jaǵdaılar departamentinen 35 qyzmetker jáne 6 tehnıka, qalalyq ishki ister bóliminen 6 qyzmetker jáne 3 tehnıka, Semser-órt sóndirýshi Jańaózen fılıalynan 16 qyzmetker jáne 4 tehnıka jumyldyryldy.

Oqıǵa ornyna qala ákimi Maqsat Ibaǵarov bardy. Órtten zardap shekkender joq. Zaýyt jumysyn jalǵastyrýda.