Jańaózende alǵashqy IT-synyp ashyldy

JAŃAÓZEN.  QazAqparat - Jańaózen qalasynda alǵashqy IT-synyp ashyldy. Endi balalardyń tsıfrlyq saýattylyqty arttyrý kýrsynan tegin ótý múmkindigi bar, dep habarlaıdy QazAqparat tilshisi.

«Tsıfrlyq Qazaqstan» baǵdarlamasy aıasynda ashylǵan IT-synyptardy aldaǵy úsh jylda Jańaózendegi barlyq mektepterde qurý josparda bar.  Jobany «Nur Otan» partııasy qolǵa alǵan. Partııanyń Mańǵystaý oblystyq fılıaly tóraǵasynyń birinshi orynbasary Nýrı Tumyshev, qala ákimi Ádilbek Daýylbaev pen máslıhat depýtattary synyptyń ashylýyna qatysty.

«Tsıfrlyq Qazaqstan baǵdarlamasy óte mańyzdy. Barlyq mektepterde múmkindikter jasalyp jatyr. Kezeń-kezeńimen barlyǵy da júzege asýda», - deıdi Jańaózen qalasynyń ákimi Ádilbek Daýylbaev.

IT-synypta anımatsııalyq fılmder jasaýǵa, robototehnıkanyń qyr-syryn úırenýge, 3D nysandar men vırtýady qalalardy qurastyrýǵa bolady.

«Nur Otan» partııasy Mańǵystaý oblystyq fılıaly tóraǵasynyń birinshi orynbasary Nýrı Tumyshevtiń aıtýynsha, bolashaqqa jańa mamandyqtardy daıyndaýdy qazirden bastaý qajet. Gımnazııa mektebinde ashylǵan IT-synypta ázirge 15-ke jýyq oqýshy bar. Jazǵy demalysta, balalar ýaqyttaryn bosqa ótkizbeıdi.

«Lego robottaryn qoldanyp, ártúrli qurylǵy jasaımyz. Synyptyń ashylǵanyna qýanyshtymyn», - dedi mektep-gımnazııanyń oqýshysy Aldııar Saǵyndyq.