Jańaózende 1 myń adamdy jumysqa ornalastyramyz – Maǵzum Myrzaǵalıev
«Jumyssyzdyq deńgeıin tómendetý maqsatynda «QazMunaıGaz» kompanııasy jergilikti atqarýshy organdarmen tyǵyz jumys istep, qoldaý kórsetip jatqanyn atap ótkim keledi. Osy jyly Jańaózende bir myń adamdy jumysqa ornalastyrý josparlanyp otyr. Onyń ishinde 682 adamdy «ÓzenMunaıGazdyń» qoldanystaǵy jumysyna ornalastyrý algorıtmi boıynsha qamtysaq, al 318 adam merdigerlik uıymdarda qyzmet etetin bolady», - dedi kompanııa basshysy «2025 jylǵa deıin halyqtyń tabysyn arttyrý baǵdarlamasy» keshendi josparyn júzege asyrý jónindegi keńes barysynda.
Onyń atap ótýinshe, «ÓzenMunaıGaz» kompanııasynyń bıýdjetinde atalǵan adamdardy jumysqa ornalastyrýǵa qajetti qarajat kózdelgen.
«Jalpy, kompanııamyz halyqtyń ál-aýqatyn arttyrýǵa baǵyttalǵan jobalardy, jumyssyzdyq deńgeıin tómendetýge arnalǵan sharalardy odan ary júzege asyra beredi», - dedi Maǵzum Myrzaǵalıev.