Jańaózen meshitinde «áýmın» sózi úshin iri kólemde aıyppul salyndy
Namazhan apellıatsııaǵa berip, iste jeńip shyqty. Aıppul alynyp tastaldy, dep habarlaıdy «QazAqparat» HAA tilshisi.
Atalmysh ákimshilik is aqpan aıynyń basynda Jańaózen qalalyq mamandandyrylǵan ákimshilik sotynda QR Ákimshilik quqyq buzýshylyq kodeksiniń 490-baby 2-tarmaǵy («Qazaqstan Respýblıkasynyń dinı qyzmet jáne dinı birlestikter týraly zańnamasyn buzý») boıynsha qaralǵan bolatyn. Alaıda, quqyq buzýshy apellıatsııalyq shaǵym bildirip, bul is Mańǵystaý oblystyq sotynyń apellıatsııalyq sot alqasynda qaıta qaraldy.
«Meshittiń ishki jarǵysyna sáıkes, «áýmın» sózin mıkrofonmen daýystap aıtýǵa tek ımamnyń quqy bar. Qalǵandary ony óz ishinen aıtýy kerek. Musylman D. «áýmın» sózin birneshe ret daýystap aıtyp, ımamnyń ashýyn keltirgen. Biraq, ımam hattamany sol sátte emes, 20 kúnnen keıin toltyrǵan. Zań boıynsha ony sol sátte toltyrý kerek bolǵan. Quqyq buzýshynyń ózi sýdıaǵa «áýmın» sózin ádeıi estirtip aıtpaǵanyn, daýsy eriksiz shyǵyp kete bergendigin jáne ımamǵa nemese onyń jumysyna kedergi keltirmek oıy bolmaǵanyn aıtqan», - dep atap ótti Mańǵystaý oblystyq soty baspasóz qyzmetiniń basshysy Gaýhar Nurhanova.