«Jańaózen máselesi boıynsha qurylǵan komıssııa esep berdi» - respýblıkalyq basylymdarǵa sholý

ASTANA. 11 qańtar. QazAqparat - Qazaq aqparat agenttigi respýblıkalyq basylymdarda 11 qańtar, sársenbi kúni shyqqan ózekti materıaldarǵa sholýdy usynady.

***

«Egemen Qazaqstan» basylymynyń jazýynsha, «Qazaqstan temir joly» UK» AQ-ta 2011 jyldyń qory­tyn­dysy men bıylǵy jylǵa arnalǵan mindetter boıynsha keńeı­tilgen otyrys ótti. Ótken jyly kompanııada júk aınalymy 4,8 paıyz, jolaýshy aınalymy 5,3 paıyzǵa ósken. Sonymen qatar el úshin asa ma­ńyzdy temir joldar men óndiris oryndary paıdalanýǵa berilgen. «Negizinen, kompanııa óndi­ristik baǵdarlamalary boıynsha josparly kórsetkishterdi toly­ǵymen oryndady. Buǵan el eko­nomıkasynyń turaqty ósýi yq­pal etti. Ujymnyń yntymaqty eńbeginiń nátıjesinde temir jol salasy yrǵaqty damýda», - dep atap ótti keńeste «QTJ» UK» AQ prezıdenti Asqar Mamın. Ulttyq kompanııanyń atqarǵan isteri men jetistikteri jóninde «Egemen Qazaqstan» basylymynyń búgingi sanyndaǵy «Temirjolshylar tabysy» atty maqaladan tolyǵyraq bilýge bolady.

 Sondaı-aq atalmysh basylymnyń jazýynsha, keshe ІІM Іshki áskerleriniń qurylǵanyna 20 jyl tolýyna oraı saltanatty is-shara ótti. Oǵan kelgen qonaqtar Іshki áskerdiń bólinisteri jaraqtalǵan zamanaýı tehnıka men qarý-jaraq túrlerimen, baılanys quraldary jáne áskerı qyzmetshilerdiń kıim-keshek úlgilerimen tanysty.  Áskerdiń alǵashqy qurylý kezinde basy-qasyn­da bolǵan jáne onyń damýyna zor úles qosqan ardager-generaldarǵa, sondaı-aq aǵa býyn dástúrin jalǵastyrýshy - búgingi jaýyngerler men sportshylarǵa memlekettik jáne vedomstvolyq nagradalar tapsyryldy. «Úzdik vzvod komandıri, komandırdiń úzdik tárbıe jáne áleýmettik-quqyqtyq jumystar jónindegi orynbasary, úzdik rota komandıri» jáne «Úzdik rota starshınasy» baıqaý-konkýrstarynyń qorytyndy kezeńiniń jeńimpazdaryn marapattaý rásimi ótkizildi. Іshki áskerdiń 20 jyl ishinde atqarǵan isteri jóninde «Egemen Qazaqstan» basylymynyń búgingi sanyndaǵy «Jıyrma jyldyq jetistik jarııalandy» atty maqaladan oqyńyz.

***

«Alash aınasy» basylymynyń jazýynsha, Jańaózende kásipkerlikti damytý boıynsha da úlken jumystar atqarylýda. «Damý» qorynyń uıymdastyrýymen Jańaózen qalasynda kásipkerlikti damytý ortalyǵy qurylǵan. Komıssııa zardap shekken saýda ortalyqtarynyń basshylarymen kezdesken. Olarǵa barynsha jeńiltetilgen túrde nesıe berý máselesi qarastyrylǵan. Komıssııanyń sheshimi boıynsha túrli jeńildiktermen 5 mıllıon teńgege deıin nesıe beriletin bolady.

Qysqasy, bes úkimet qaýlysy daıyndalǵan. Sonyń biri - Mańǵystaý  oblysy úshin ár óńir 100 mıllıon teńgeden jylý jınaý kerek. Bul týraly «Alash aınasy» basylymynyń búgingi sanyndaǵy «Jańaózen máselesi boıynsha qurylǵan komıssııa esep berdi» atty maqaladan bilýge bolady.

Osy basylymnyń jazýynsha, «KAZENERGY» ashqan qor qarajaty áleýmettik jobalarǵa jumsalmaq». Osyndaı taqyryppen jarııalanǵan maqalada Jańaózendegi  tótenshe jaǵdaıdan keıin elimizdiń munaı-gaz jáne energetıka kesheni uıymdarynyń «KAZENERGY» qaýymdastyǵy da zardap shekken azamattarǵa kómek berý úshin arnaıy esepshot ashqandyǵy aıtylady. «Qazirgi kezde osy saladaǵy «Intergaz Ortalyq Azııa» AQ, «Qazgermunaı» JShS, «Qazaqstannyń munaı-gaz ınstıtýty» AQ, «Kaspıı MunaıGaz» ǵylymı-zertteý ınstıtýty» JShS jáne taǵy basqa iri kompanııalar jańaózendikterge kómek esepshotyna mıllıondap aqsha aýdaryp jatyr. Ol qarajattyń taǵdyry áli sheshilmegen»,- dep jazady «Alash aınasy» basylymy.

***
«Kazahstanskaıa pravda» basylymynyń jazýynsha, úkimettik komıssııanyń baǵalaýynsha, Jańaózendikterdiń ómir súrý jaǵdaıy qatań baqylaýda. Árıne, munda qalanyń áleýmettik-ekonomıkalyq jaǵdaıyn qalypqa keltirý úshin biraz sharalar atqarý qajet bolady. Bul másele Premer-Mınıstr Kárim Másimovtiń basshylyǵymen ótken Úkimet otyrysynda aıtyldy. Úkimet ókilderiniń málimetterine qaraǵanda, búginde Jańaózendi qalpyna keltirý úshin barlyq sharalar atqarylýda. «Samuryq-Qazyna» ál-aýqat qorynyń Basqarma tóraǵasy Ómirzaq Shókeev bul rette qalany tazalaý jumystary belgilengen merzimde talapqa saı oryndalǵandyǵynan habardar etti. Qazirgi tańda 41 nysanda qalpyna keltirý jumystary júrgizilýde. Shetpe aýdanynyń vokzaly men Teńge aýylynyń ákimdigi jańartyldy. Aımaqta atqarylyp jatqan ózge de ister jóninde «Kazahstanskaıa pravda» basylymynyń búgingi sanyndaǵy «Prınıaty vajnye reshenııa. Pravıtelstvennaıa komıssııa otchıtalas o hode vostanovıtelnyh rabot» atty maqalada.