Jańaózen qalasynyń áleýmettik-ekonomıkalyq damýyna bólingen qarjy - 15,2 mıllıard teńgeni qurady
Bul týraly «Jańaózen qalasynyń áleýmettik-ekonomıkalyq damýy probemalaryn sheshý jónindegi 2009-2010 jyldarǵa arnalǵan keshendi josparyn» júzege asyrýdaǵy máseleler boıynsha oblys ákimi Qyrymbek Kósherbaevtyń tóraǵalyq etýimen ótken keńeste aıtyldy.
Ótken jyly Memleket basshysynyń tapsyrmasymen Úkimet keshendi josparǵa 9 nysandy qosymsha engizgen bolatyn. Bul jańa «Juldyz» jáne «Mereı» shaǵyn aýdandaryn sýmen qamtıtyn eki nysannyń, ishki ister organdary basqarmasynyń shuǵyl ortalyǵy, ekinshi qalalyq emhana, eki dárigerlik emhana, Teńge jáne Qyzylsaı selolaryndaǵy mádenıet úıleri, qalalyq aýrýhananyń terapevtik kesheni jańa ǵımaratynyń qurylysy.
Barlyq qarjy kózderinde jospardy júzege asyrýǵa jumsalatyn qarajat 39-da 43 mıllıard teńgege deıin kóbeıtildi.
Búginge deıin aqyl-oı damýy jetilmegen balalarǵa arnalǵan 280 oryndyq mamandandyrylǵan keshen, PS-110/6kV kishi stansysynyń jáne VL-110 kV elektr taratý jelisiniń, mal óleksesin kómetin oryn jáne «Araı-1» shaǵyn aýdanyndaǵy avtokólik jolynyń qurylysy aıaqtaldy.
Árqaısysynyń jobalyq qýaty 280 oryndyq 2 balabaqsha, 100 kerýettik týberkýlezge qarsy aýrýhana jáne bıýdjet salasy qyzmetkerlerine arnalǵan birinshi 200 páterlik úı paıdalanýǵa berilmekshi. Jumys istep turǵan kárizdik tazalaý oryndaryn, ınjenerlik ınfraqurylymdy jańalaý men túrlendirý, 1200 oryndyq orta mektep pen 100 kereýettik perzenthana qurylysy jalǵasýda.
Qalanyń jańa shaǵyn aýdandaryn elektrmen jáne gazben jabdyqtaý, Teńge selosy men «Rahat-3» shaǵyn aýdanyn sýmen qamtý júıeleriniń qurylysy, shaǵyn JEO-na ótýine baılanysty ortalyq bý qazanyn jańalaý jáne keńeıtý jumystary bastaldy.
2012 jyly júzege asyrýǵa josparlanǵan bilim berý, densaýlyq saqtaý, mádenıet, qoǵamdyq tártip nysandarynyń, turǵyn úı jáne ınjenerlik-kommýnıkatsııalyq ınfraqurylym qurylystarynyń jobalyq-smetalyq qujattamalaryn jasaqtaýǵa jergilikti bıýdjetten 328,2 mıllıon teńge bólindi. Qazir jobalar memlekettik saraptamaǵa jiberildi.
Eki 200 páterlik turǵyn úı, týberkýlezge qarsy aýrýhana, Jańaózen qalasyndaǵy Teńge selosyn sýmen qamtý júıesiniń qurylystaryn aıaqtaý úshin 2010 jylǵa 1 mıllıard teńge mólsherindegi qarjy qosymsha bólindi.
Sondaı-aq, keńeste jumyssyzdyq deńgeıin azaıtý ózekti máselelerdiń biri bolyp tabylatyndyǵy atap ótildi. Jyl basynan beri 6 myńnan astam jańa jumys orny quryldy, tirkelgen jumyssyzdar deńgeıi 1,5 %-dan 0,9%-ǵa deıin tómendedi.
Jańa jumys oryndaryn qurý turǵyndarǵa shaǵyn nesıe berý júıesi eleýli tıimdilik kórsetýde. Aǵymdaǵy jyly shaǵyn nesıeleý uıymynyń aınalym qarajaty 275 mıllıon teńgeni qurady, bul 300 jańa jumys ornyn qurýǵa múmkindik berdi. Sonymen qatar áleýmettik jumys ornyn qurý tájirıbesi keńeıtildi, iri ınvestıtsııalyq jobalardy júzege asyrý isi jalǵasyn tabýda. Qoldanylyp jatqan sharalar 2010 jyly Jańaózen qalasynda 8 myń jańa jumys ornyn qurýǵa múmkindik beredi - bul ótken jyldaǵydan eki ese kóp.
2010 jyly oblys aýmaǵynda «Nurly kósh» baǵdarlamasy júzege asyryla bastady. Búginde qalanyń jer resýrsy taýsyldy, qurylys úshin jańa jer bólýge múmkindik joq. Sondyqtan kóship keletin oralmandar Qaraqııa aýdanynyń Eralıev stansysyna jáne Munaıly aýdanynyń jańa ortalyǵy bolatyn Batyr selosyna ornalastyrylady. Sondaı-aq, «Kendirli» demalys aımaǵynyń aýmaǵyna jaqyn jerde jańa eldi meken bolady, bul Jańaózen qalasyna túsetin kóshi-qon júgin jeńildetedi. «Nurly kósh» baǵdarlamasy aıasynda salynatyn ınjenerlik jáne áleýmettik ınfraqurylym qurylysyn bastaý úshin respýblıkalyq bıýdjetten 1 mıllıard teńge bólindi. 140 turǵyn úı qurylysy qarqyndy júrip jatyr.
Eldegi oblystyq baǵynystaǵy 23 qala arasynda 2010 jyldyń ІІІ toqsanyndaǵy aımaqishilik damý reıtıngisiniń qorytyndysy boıynsha Jańaózen qalasynyń 1-oryn alýy keshendi jospardyń tabysty júzege asyrylýynyń kýási bolyp tabylady.