Jańaózen qalasynan kómek brıgadasy Qulsaryǵa attandy

<p>AQTAÝ. KAZINFORM - &nbsp;Qulsary qalasynda bolǵan sý basýlardyń saldaryn joıý maqsatynda Jańaózen qalasy ákimdiginiń qoldaýymen arnaıy tehnıkamen jabdyqtalǵan kómek brıgadasy Qulsary qalasyna attandy.&nbsp;</p>

Qala ákimdiginiń baspasóz qyzmetiniń málimetinshe, kómek brıgadasynyń quramynda 30-ǵa jýyq tehnıka jáne 60-qa jýyq adamdar bary belgili boldy. Sonymen qatar arnaıy jasaq azyq-túlik, qural-saımandarmen tolyq jabdyqtalǵan.

Aıta keteıik, arnaıy tehnıkamen qamtamasyz etken uıymdar qatarynda «Ózenmunaıgaz», «KazPetroDrilling» AQ, «Burǵylaý», «MunaıFıldServıs», «Ózenmunaıservıs», «QazGÓZ», «Ken-Qurylys Servıs» JShS jáne «Ózenjylý», «Ózenınvest», «Ózenenergoservıs» MKK bar. 

Sondaı-aq qalalyq máslıhat depýtattary, jeke kásipkerler jáne eriktiler de óz úlesterin qosyp jatqany aıtyldy. 

Esterińizge sala keteıik, sý tasqyny saldarynan Atyraý oblysynan Mańǵystaýǵa 14 myńnan astam adam evakýatsııalandy. 

Sonymen qatar tańerteń Qulsarydan Beıneýge barar jolda sý tasqynynan evakýatsııalanǵan júkti kelinshek sábıli boldy.