Jańaózen qalasyna jańa ákim taǵaıyndaldy

<p>AQTAÝ. KAZINFORM - Búgin oblys basshysy Nurlan Noǵaev qalalyq máslıhat depýtattaryna óz erkimen qyzmetinen ketken Aıbek Qosýaqovtyń ornyna Jańaózen qalasynyń ákimi laýazymyna jańa kandıdatýrany usyndy.</p>

Buǵan deıin Jańaózen qalasy ákiminiń orynbasary qyzmetin atqarǵan Janseıit Qaınarbaev jańa kandıdat atandy. 

Foto: Jańaózen qalasy ákimdigi

Janseıit Qaınarbaev Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetinde «Taý-ken ınjeneri» jáne «Ekonomıka» mamandyqtary boıynsha oqyǵan, eki joǵary bilimi bar.

Eńbek jolyn 2006 jyly jeke sektorda bastaǵan. 2012 jylǵa deıin osy salada sheber, bas mehanıktiń orynbasary bolǵan. Ártúrli JShS dırektory qyzmetterin atqarǵan.

2012 jyldan 2014 jylǵa deıin «Tazalyq» MKK bólim bastyǵy, Jańaózen qalasy.

2014 jyldan 2015 jylǵa deıin «Kommýnaldyq qyzmet» MKK dırektory.

2015 jyldan 2016 jylǵa deıin Túpqaraǵan aýdandyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy boldy.

2016 jyldan 2022 jylǵa deıin Mańǵystaý oblysy Túpqaraǵan aýdany ákiminiń orynbasary.

2022 jyldan bastap qazirgi ýaqytqa deıin Jańaózen qalasy ákiminiń orynbasary qyzmetin atqardy.

Depýtattar usynylǵan kandıdatýrany qoldap, Janseıit Qaınarbaevqa tájirıbeli basqarýshy retinde senim bildiretinderin atady.

Sonymen qatar Nurlan Noǵaev atqarylǵan jumysy úshin Aıbek Qosýaqovqa alǵys bildirip, jańa ákimge Jańaózen qalasynyń áleýmettik-ekonomıkalyq damýyna qatysty birqatar tapsyrmalar berdi.