Jańaqorǵanda aýrýhananyń káriz qubyryn urlaǵan adam ustaldy - Qyzylorda oblysy
18:35, 14 Aqpan 2011
QYZYLORDA. 14 aqpan. QazAqparat /Jańagúl Serdaly/ - Qyzylorda oblystyq ishki ister departamenti baspasóz qyzmetiniń málimeti boıynsha, ótken aptada aımaqta 73 qylmystyq is tirkelip, sonyń 61-i ashylǵan.
Jańaqorǵan aýdanynyń 45 jasar turǵyny aýdandyq aýrýhananyń aýlasynan kárizdik qubyrdyń urlanǵany týraly habar berdi. Ol boıynsha júrgizilgen jedel izdestirý jumystary osyǵan qatysy bar degen kúdikpen osy aýdanda turatyn eki jas jigitti qolǵa túsirýge múmkindik áperdi. Olar aýrýhana aýlasynan quny 300 myń teńge turatyn 150 metrlik qubyrdy qoldy etken bolyp shyqty.