Jańaqorǵanda 200 mln teńgeni joq qylǵan mektep býhgalterlerine úkim shyqty

<p>QYZYLORDA. KAZINFORM — Jańaqorǵan aýdandyq bilim bóliminde bıýdjet qarajatyn jymqyrý isi boıynsha úkim shyqty. </p>

Qyzylorda oblysy Jańaqorǵan aýdandyq soty 200 mln teńgeden astam bıýdjet qarajatyn jymqyrǵan 9 adamǵa úkim shyǵardy.

Sotqa deıingi tergeýdi oblystyq prokýratýra júrgizdi.

Sot otyrysy barysynda memlekettik aıyptaýshy bilim berý júıesinde jumys istemeıtin tulǵalardyń esepshotyna zańsyz aqsha aýdarylǵanyn dáleldedi.

Qylmystyq is boıynsha negizgi aıyptalýshylar bas bostandyǵynan aıyrylsa, qalǵan 7 sybaılas býhgalterlik qyzmetpen aınalysý quqyǵynan aıyra otyryp, shartty merzimge sottaldy.

Kelgen shyǵyn ishinara óteldi.

Úkim zańdy kúshine engen joq.

Aıta ketý kerek, buǵan deıin prokýrorlar sol aýdandaǵy mektepterdiń esepshileri mektepte jumys istemeıtin tulǵalardyń esepshotyna zańsyz aqsha aýdaryp, jymqyrǵanyn anyqtaǵan bolatyn.

Bul qylmystyq ister boıynsha aıyptaý úkimi shyqty.