Jańadan taǵaıyndalǵan mınıstrlerge Prezıdenttiń dáıeksózi jazylǵan bloknottar úlestirildi

ASTANA. QazAqparat - Búgin Ulttyq akademııalyq kitaphanada «Ekinshi Respýblıka qurylysshysy kúndeliginiń» tusaýkeseri ótti. Bul bastamanyń avtory - «Jańa adamdar» jastar qozǵalysy, dep habarlaıdy QazAqparat.

Tusaýkeser rásimi ótkennen keıin bloknottar birden 2023 jyldyń basynda taǵaıyndalǵan jas mınıstrlerge jetkizildi.

«Elimizdegi sheneýnikterdiń jumys kúni qalaı bastalady? Kún tártibindegi isterdi josparlaýdan jáne bekitýden turady. Olarǵa kómektesý úshin «Jańa adamdar» «Ekinshi Respýblıka qurylysshysynyń kúndeligin» ázirledi. Bul kúndeliktiń basty «ereksheligi» - Qasym-Jomart Toqaevtyń 2022 jylǵy 1 qyrkúıektegi Qazaqstan halqyna joldaýyndaǵy túıindi dáıeksózderi. Kúndeliktiń 52 aptasynyń árqaısysy Memleket basshysynyń sózimen bastalady, ol memlekettik qyzmetkerlerge olardyń barlyǵy ne úshin jumys istep jatqandyǵy týraly eskertý retinde qyzmet etedi»,-deıdi «Jańa adamdar» qozǵalysynyń ókilderi.

Ekinshi Respýblıka qurylysshysy kúndeliginiń alǵashqy ıeleri:

Súleımenova Zúlfııa – Ekologııa mınıstri,

Beısembaev Ǵanı – Bilim mınıstri,

Oralov Ashat – Mádenıet jáne sport mınıstri,

Qarabaev Marat – Indýstrııa jáne ınfraqurylymdyq damý mınıstri,

Esqaraev Azamat – Qazaqstan Respýblıkasynyń Ádilet mınıstri,

Ǵalymjan Qoıshybaev – Qazaqstan Respýblıkasy Premer-Mınıstriniń orynbasary – Qazaqstan Respýblıkasy Úkimeti apparatynyń basshysy.

«Qurmetti qazaqstandyqtar! Biz áleýmettik jelilerde qoǵamdyq saýalnamany bastaımyz, Ekinshi Respýblıka qurylysshysy ataǵyna laıyq dep sanaıtyn memlekettik qyzmetkerlerdiń esimderin túsiniktemelerde jazyńyz» dep málimdedi jastar qozǵalysy.