Jańadan ashylatyn «Astana-Pavlodar» elektr poıyzy bıletiniń baǵasy belgili boldy

ASTANA. QazAqparat - QR Investıtsııa jáne damý mınıstrligi aptasyna eki ret qatynaıtyn «Astana-Pavlodar» jańa elektr poıyzynyń bılet qunyn jarııa etti.

«Keshe áleýmettik mańyzǵa ıe «Astana-Pavlodar» baǵyty boıynsha tasymaldaýshyny anyqtaý úshin júrgizilgen baıqaýdyń qorytyndylary shyqty. Poıyz 2016 jyldyń 1 maýsymynan bastap, aptasyna eki márte - beısenbi men juma kúnderi Astanadan, senbi men jeksenbide Pavlodardan júretin bolady», - dedi búgin QR IDM baspasóz xatshysy Qaısar Jumabaıuly.

Elektr poıyzdyń quramy 2013 jyly jasalynǵan 3 sanattyq 8 vagonnan turady.

Bılet quny: 1 sanat úshin - 2 305 teńge, 2 sanatqa - 2 147 teńge jáne 3 sanat - 1 784 teńge bolady.

«Aıta ketý kerek, Astana men Pavlodar arasynda kúnine 900 jolaýshy qatynaıdy. Al jazǵy mezgilde 1 100 jolaýshy jolǵa shyǵady», - dedi Q. Jumabaıuly.