Jańaarqada vaktsınatsııalanǵan turǵyndar arasynda shıpajaıǵa joldama oınatyldy

JAŃAARQA. QazAqparat – Qaraǵandy oblysynyń Jańaarqa aýdanynda koronavırýsqa qarsy vaktsına alǵan turǵyndar arasynda eki joldama sarapqa salyndy. Sondaı-aq, vaktsınanyń birinshi komponentin alǵandar arasynda baǵaly syılyqtar oınatylady, dep habarlaıdy QazAqparat tilshisi.

Vaktsınatsııanyń birinshi komponentin alǵan Jańaarqa aýdanynyń 500 turǵyny arasynda «Saryaǵash» shıpajaıyna joldama oınatyldy.

Onyń ıegeri Aınabulaq aýylynyń hımııa pániniń muǵalimi Nurgúl Serikbaeva men Jańaarqanyń «Dárııa» balabaqshasynyń medbıkesi Dana Ospanova boldy.

«Aýdannyń jastar resýrstyq ortalyǵyna utys oıynyn uıymdastyrǵany úshin alǵysymdy aıtqym keledi. Kútpegen jerden joldama utyp aldym. Biz vırýsty birlese otyryp jeńýimiz kerek. Ol úshin vaktsınatsııadan ótken abzal», – deıdi Nurgúl Serikbaeva.

Sondaı-aq, 29 maýsymda Aqtúbek aýyldyq okrýginde COVID-19 vaktsınasynyń birinshi komponentin alǵan turǵyndar arasynda baǵaly syılyqtar utys oıyny bastaldy.

Basty syılyq – Samsung Galaxy A11 telefony.

Arnaıy nómirlengen bıletter Aqtúbek dárigerlik ambýlatorııasynda vaktsınanyń birinshi komponentin alǵan aýyl turǵyndaryna beriledi.

Eger osy aýyldyq okrýg turǵyndarynyń biri Jańaarqada ekpe alsa, onda ol Aqtúbek ambýlatorııasyna baryp, tirkelip, bılet ala alady.

Utys oıyny 30 shilde kúni saǵat 14:00-ge deıin jalǵasady. Nátıjeler 30 shildede saǵat 15:00-de @aktubek.akimdigi Instagram-paraqshasynda tikeleı efırde jarııalanady.

«Basqa da aktsııalar men vıktorınalar uıymdastyryldy. Oǵan vaktsınatsııadan ótken aýdan turǵyndary qatysty. Atap aıtqanda, vaktsına alǵan zeınetkerler, kópbalaly jáne az qamtylǵan otbasylar úshin azyq-túlik sebetteri daıyndaldy. Alda aqshalaı sertıfıkat utys oıynyn ótkizý josparda bar. Qazirgi tańda ol úshin demeýshiler izdestirip jatyrmyz», - deıdi uıymdastyrýshylar.

Jańaarqa aýdanynda búgingi kúni 4 573 adam vaktsına alǵan, onyń 2 328-i tolyǵymen ekpe jasatty.