Jańaarqada Aqseleý Seıdimbek atyndaǵy respýblıkalyq jyr músháırasy ótti

JEZQAZǴAN. QazAqparat – Jazýshy, etnograf-ǵalym Aqseleý Seıdimbektiń 80 jyldyq mereıtoıyna oraı Jańaarqada jyr músháırasy ótti. Bul týraly óńirlik ákimdiktiń baspasóz qyzmetinen málim etti, dep habarlaıdy QazAqparat tilshisi.

Jergilikti quzyrly organ málimetinshe, músháırada elizmizdiń ár aımaǵynan kelgen aqyndar eki taqyryp boıynsha óz týyndylaryn oqyǵan. Olar baıqaýdyń alǵashqy kezeńinde óleńine A.Seıdimbektiń ómiri men ónegesin arqaý etse, kelesi kezeńde erkin taqyrypta jazylǵan shyǵarmalaryn usyndy.

Jeńimpazdar men júldegerler quramyna elimizge belgili zııaly qaýym ókilderi men óńirdiń qalamgerleri engen qazylar alqasynyń sheshimimen anyqtaldy.

Saıys qorytyndysy boıynsha, bas júldeni Aqtóbe oblysynan kelgen aqyn Azamat Ábilqaıyr jeńip aldy. I oryndy elordalyq Jánibek Álıman enshilese, II oryn Alma Aqylbaıqyzyna buıyrdy. Al ІІІ oryndy túrkistandyq Batyrhan Sársenhan men qaraǵandylyq Jálel Qýandyquly jeńip aldy.

Músháıra jeńimpazdary dıplom jáne aqshalaı syıaqylarmen marapttaldy. Sonymen qatar, 4 aqyn saıystyń arnaıy júldelerine ıe boldy.