Jańa jyldyń alǵashqy kúni Qostanaıda 17 sábı dúnıege keldi
23:57, 02 Qańtar 2019
QOSTANAI. QazAqparat - Jańa jyldyń birinshi kúni Qostanaıda 17 sábı dúnıege keldi, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Jańa jyldyń alǵashqy kúninen-aq Qostanaı perınataldyq ortalyǵynyń aq halattylary ádettegideı tynym tapqan joq. Qańtardyń biri kúni 17 bala dúnıege keldi. Onyń altaýy - ul, on biri - qyz bala. Dárigerler nárestelerdiń de, analarynyń da densaýlyǵy birqalypty ekenin aıtty.
Aq halatty mamandardyń aıtýynsha, shaharda otbasyn quryp, balaly bolyp, ata-ana baqytyna bólengisi keletinderdiń sany jyldan jylǵa artýda.
«Eldiń áleýmettik jaǵdaıy jaqsarýyna qaraı tabıǵı ósim artty, sábıli bolǵysy keletin otbasylardyń sany kóbeıdi» deıdi olar.