Jańa jyldan bastap Óskemende sý, jylý jáne jaryq arzandaıdy

ASTANA. QazAqparat - Óskemende jańa jyldan bastap kommýnaldyq qyzmet tarıfi tómendetildi. Atap aıtqanda, elektr qýatynyń, jylýmen jáne sýmen qamtamasyz etý jónindegi qyzmetterdiń quny tómendeıdi, dep habarlaıdy Altaınıýs.

Bul týraly qala turǵyndarynyń qatysýmyen tarıfter jónindegi keńes kezinde aıtyldy.

«Jańa jyldan bastap qalada tabıǵı monopolııa sýbektileriniń birqatar qyzmetterine tómendetilgen tarıfter qoldanylatyn bolady. Tutynýshy úshin baǵanyń tómendeýine jylý men elektr energııasyn óndirýshilermen jáne tikeleı jetkizýshilermen júrgizilgen jumystyń nátıjesinde qol jetkizildi», - dep atap ótti Óskemen qalasynyń ákimi Jaqsylyq Omar.

1 qańtardan bastap«Óskemen Vodokanal» MKK sýmen jabdyqtaý jáne sý burý tarıfin 5%-ǵa tómendetedi. Osylaısha, tutynýshy úshin sýyq sý tarıfi QQS esebinsiz tekshe metr úshin 59,34 teńgeni quraıdy. Sý burý tarıfi 58,85 teńgege deıin tómendeıdi.

«Óskemen jylý jelileri»AQ aldaǵy jyly jylý energııasynyń quny tómendeıdi. Jalpy úılerdegi jeke esepteý quraldaryn paıdalanatyn halyq úshin ol QQS esebinsiz gıgakalorııa úshin 1822,82 teńgeni quraıdy(2,7% tómendeý). Esepteý quralynsyz halyq úshin-3621,74 teńge (3,4% tómendeý).

Óskemendegi elektr energııasynyń negizgi jetkizýshisi-"Shyǵysenergotreıd" JShS 1 qańtardan bastap turmystyq tutynýshylar úshin tarıfti 6,5 paıyzǵa tómendetedi. Bir kılovatt-saǵattyń quny QQS esebimen tutynýdyń birinshi sanaty boıynsha 9,824 teńgeni, ekinshi sanat boıynsha - 13,063 teńgeni, úshinshi sanat boıynsha - 16,328 teńgeni quraıdy.

Foto: yk-news.kz