Jańa jyldan bastap áskerı qyzmetshiler jalaqysy 60% deıin ósedi
13:16, 29 Jeltoqsan 2022
ASTANA. QazAqparat – QR Qorǵanys mınıstriniń orynbasary Sultan Kamaletdınov áskerı qyzmetshilerdi áleýmettik qamsyzdandyrý men eńbekaqy tóleý júıesin jaqsartý jumystaryn baıandady, dep habarlaıdy QazAqparat tilshisi.
«Memleket basshysynyń tapsyrmasymen 2023 jyly QR Qarýly Kúshteri áskerı qyzmetshileriniń laýazymdyq jalaqysy orta eseppen 60%-ǵa artady. Sondaı-aq kelesi jyly QR Qarýly Kúshteriniń arnaıy maqsattaǵy bólimshelerindegi áskerı qyzmetshilerdiń laýazymdyq jalaqysyn 20%-ǵa arttyrý josparlanǵan», - dedi Sultan Kamaletdınov OKQ brıfınginde.
Spıkerdiń aıtýynsha, áskerı qyzmetshilerdiń áleýmettik qorǵalýyn jaqsartý jumystary da jalǵasýda.
«Osyǵan baılanysty Úkimet 2023 jylǵy 1 qańtardan bastap Qarýly Kúshter men Ulttyq ulannyń ushý quramynyń laýazymdyq jalaqysyn arttyrýdy, áskerı medıtsına qyzmetkerleriniń aqshalaı úlesin azamattyq medıtsınalyq mekemelerdegi medıtsına qyzmetkerleriniń jalaqysy deńgeıine jetkizýdi, joǵary áskerı oqý oryndary oqytýshylarynyń jalaqysyn azamattyq JOO deńgeıine deıin arttyrýdy, TJ zardaptaryn joıý kezinde aqshalaı qarajattyń Ulttyq ulanmen jáne ІІM-men birdeı 3 eselengen mólsherin maquldady», - dedi S. Qamaletdınov.