Jańa jylda Parıjdegi Elıseı alańyna mıllıonǵa jýyq adam jınaldy

BRıÝSSELЬ. QazAqparat - Parıjdegi Elıseı alańyna jańa jyldy qarsy alý úshin 1 mıllıonǵa jýyq adam jınaldy, dep habarlaıdy QazAqparat tilshisi.

Frantsııa bıliginiń habarlaýynsha, senbi kúni keshke jańajyldyq jarqyraǵan Parıj qalasynyń dańǵyldarynda turǵyndar men týrısterdiń qarasy kóp boldy.

Elıseı alańy jáne Shanz Elıze-Parıjdiń ortalyq kóshesi - Frantsııa astanasynyń 8-shi okrýginiń basty magıstraldarynyń biri. Parıjdikter men týrıster kelisim alańynan Elıseı saltanatty arkaǵa deıingi merekelik bezendirilgen eki shaqyrym joldy júrip ótti.

Óz kezeginde shahar ákimdigi 500 myń adam jınalady dep kútken. Pandemııaǵa deıin álemniń ádemi kósheleriniń birine jańa jyl qarsańynda shamamen 250 myń adam, 2018 jyly 300 myń jáne 2017 jyly 500 myń adam saıahattaǵan.

Frantsııalyq BAQ-tyń málimitenshe, kólik qozǵalysy úshin jabyq dańǵylda kópshilik baqylaý-ótkizý beketteri arqyly ótedi. Adamdar men sómkeleri tekserilip, ózimen bótelke sý alyp júrýge, alkogol satýǵa jáne ony paıdalanýǵa tyıym salynady. Atalǵan talaptar dúısenbige deıin saqtalady.

Jańajyldyq otshashýdyń myńdaǵan adam uıaly telefonyna túsirdi. Jergilikti BAQ-tyń habarlaýynsha, jańa jyl qarsańynda aýa temperatýrasy shamamen 15 gradýsqa jyly boldy.

Elıseı alańyndaǵy tártipti aıtarlyqtaı kólemdegi polıtseıler kúzetti. Mereke kúnderi Frantsııada 90 myńǵa jýyq polıtsııa jumyldyryldy, onyń ishinde Parıjdiń ózinde 5,4 myń tártip saqshysy jumys istedi.