Jańa jylda qaraǵandylyqtar kommýnaldyq qyzmetterdi tóleýde 3,2 mlrd teńge únemdeıdi

QARAǴANDY. QazAqparat - Jańa jylda qaraǵandylyqtar kommýnaldyq qyzmetterdi tóleýde 3,2 mlrd teńge únemdeı alady. Ol tarıfterdiń tómendetilýi arqasynda múmkin bolmaq, dep habarlaıdy óńir basshysynyń resmı saıty. 

Qazir oblys ákimshiligi kommýnaldyq qyzmet jetkizýshilerimen kelissózder júrgizýde. Prezıdent tapsyrmasy boıynsha sý, elektr qýaty, jylý energııasy, gaz jáne basqa da qyzmetterdiń baǵasy tómendetilýi tıis. 

Osylaısha, Qaraǵandy oblysynda elektr qýaty ortasha eseptegende 8%, jylý jáne sýmen qamtý 5 %, lıfti qyzmetteri 5%, qatty turmystyq qaldyqtardy shyǵarý 10%, ballondyq gaz 7% tómendeıdi. 

Páter ıeleri kooperatıvteri óz baǵasyn ortasha eseptegende 3 % túsirýge kelisti. 

Buǵan qosa, halyq úshin kómir baǵasy da tómendetiledi. Orta eseppen alǵanda bir tonna úshin 2000 teńgege kemıdi. 

Jalpy aımaq turǵyndary kommýnaldyq qyzmet úshin aldaǵy jyly 2018-shi jylmen salystyrǵanda 3,2 mlrd teńgege az tóleıdi.