Jańa jyl qarsańynda Shahtınsk qalasynda 60 otbasy páter kiltin aldy

ShAHTINSK. QazAqparat – Jańa jyl qarsańynda kezekte turǵan 60 otbasy Shahtınsk qalasyndaǵy páterlerdiń kiltterin aldy. Jańa qonystanýshylar arasynda jetim balalar, kóp balaly otbasylar jáne halyqtyń áleýmettik osal toptary bar, dep habarlaıdy QazAqparat tilshisi.

Jańa 60 páterli bes qabatty úı Nurly jer memlekettik baǵdarlamasy boıynsha salyndy. Jańa ǵımaratta jeti úsh bólmeli páterdi kópbalaly otbasylar aldy.

Nadejda Nıkýlcha segiz jyl boıy turǵyn úıge kezekte turǵan. Kóp balaly áıel osyǵan deıin jaldamaly páterlerde turyp kelgen.

«Qazirgi ýaqytta turǵyn úıdi jalǵa alý ońaı emes. Bul otbasylyq bıýdjetke zor shyǵyn keltiredi, sonymen qatar ol páterge qalaǵanyńdy satyp ala almaısyń.

Barlyq ıeler jıhazdy aýystyrýǵa múmkindik bermeıdi. Baspana alǵanymyzǵa óte qýanyshtymyn. Bizge úsh bólmeli páter berildi. Qazir jıhazdar men úı zattaryn satyp alýdy josparlap otyrmyz», – deıdi Nadejda Nıkýlcha.

Jetim balalarǵa 16 páter berildi. Qalǵandary áleýmettik osal otbasylar arasynda bólindi.

Svetlana Şerbakova 2011 jyldan beri kezekte turǵan, onyń múgedektigi bar.

Áıelge bir bólmeli páter berildi.

«Barshańyzǵa sáttilik, ashyq aspan, jaqsylyq, shańyraqtaryńyzǵa jaılylyq tileımin! Kópten kútken páter, men keremet baqyttymyn. Bul meniń ómirimdegi eń jaqsy jańa jyldyq syılyq!» – dedi Svetlana.

Kiltterdi qala ákimi Murat Qydyrǵanbekov tapsyrdy.

«Osy úıdiń engizilýimen biz 60 turǵyndy jańa pátermen qamtamasyz ettik. Qurmetti qonystanýshylar, barshańyzdy quttyqtaımyn! Sizderge baqyt, densaýlyq jáne amandyq tileımin!» – dedi Murat Qydyrǵanbekov.

Búgingi tańda Shahtınsk qalasynda turǵyn úı kezeginde 1499 adam tur.