13:51, 01 Qańtar 2023

Jańa jyl qarsańynda Qazyǵurtta 20 otbasy baspanaly boldy

TÚRKІSTAN. QazAqparat - Jańa jyl merekesi qarsańynda Qazyǵurt aýdany ortalyǵynda 2 qabatty 10 páterli 2 turǵyn úıdiń qurylysy aıaqtalyp, el ıgiligine berildi, dep habarlaıdy QazAqparat tilshisi.

Baspanalar jetim, ata-anasynyń qamqorlyǵynsyz qalǵan balalar men kópbalaly otbasylarǵa, áleýmettik osal toptaǵy azamattarǵa jáne bıýdjettik jáne memlekettik qyzmetkerler sanaty boıynsha kezekte turǵan 20 otbasyna tapsyryldy. Sondaı-aq osy kúni jer kezeginde turǵan 6 qazyǵurttyq azamatqa jer ýchaskesiniń qujattary tabystalsa, aýdan ortalyǵynda balalarǵa arnalǵan 3 oıyn alańshasynyń ashylý saltanaty ótti.

Qazyǵurt aýdanynyń ákimi Arman Abdýllaev barsha qýanysh ıelerin merekemen quttyqtap, jańa úıdiń jáne balalar alańshalarynyń lentasyn qııý rásimine qatysty. Páter jáne jer ıeleriniń, jalpy aýdan turǵyndarynyń qýanyshymen bólisip, bul baǵyttaǵy jumystar jalǵasatynyn jetkizdi.


Foto: Qazyǵurt aýdany ákimdigi



Aımaq Jańa jyl Oqıǵa Túrkistan oblysy
Qaırat Zaınıshev
Shymkenttegi M.Saparbaev atyndaǵy OQGI túlegi. Eńbek jolyn «Aqıqat-Istına» gazetinde tilshi bolyp bastady. Keıinnen «Shymkent kelbeti», «Ońtústik Qazaqstan» gazeti men «Ernur.kz» saıtynda tilshi, «Kentaý shuǵylasy» gazetiniń bas redaktory qyzmetterin atqardy. Respýblıkalyq «Ekspress K» saıtynyń Túrkistan oblysyndaǵy tilshisi boldy. 2021 jyldan bastap «Kazinform» agenttiginiń Túrkistan oblysyndaǵy tilshisi qyzmetin atqarýda.